ରାୟଗଡ଼ାରେ ଉତ୍କଳ ସାମ୍ବାଦିକ ସଂଘର ସପ୍ତମ ବାର୍ଷିକ ଉତ୍ସବ ମହାସମାରୋହରେ ଅନୁଷ୍ଠିତ

​ଉତ୍କଳ ସାମ୍ବାଦିକ ସଂଘ (ୟୁଜେୟୁ), ରାୟଗଡ଼ା ଜିଲ୍ଲା ଶାଖା ଆନୁକୂଲ୍ୟରେ ସ୍ଥାନୀୟ ବିଜୁ ପଟ୍ଟନାୟକ ଅଡିଟୋରିୟମ ପରିସରରେ ସଂଘର ସପ୍ତମ ବାର୍ଷିକ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଜିଲ୍ଲା ତଥା ରାଜ୍ୟସ୍ତରୀୟ ବହୁ ବିଶିଷ୍ଟ ବ୍ୟକ୍ତିବିଶେଷ ଓ ବହୁସଂଖ୍ୟକ ଗଣମାଧ୍ୟମ ପ୍ରତିନିଧି ଯୋଗଦେଇଥିଲେ।
​କାର୍ଯ୍ୟକ୍ରମର ଶୁଭାରମ୍ଭରେ ଅତିଥିମାନେ ପ୍ରଭୁ ଶ୍ରୀଜଗନ୍ନାଥଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ। ଉତ୍କଳ ସାମ୍ବାଦିକ ସଂଘ, ଓଡ଼ିଶାର ରାଜ୍ୟ ସଭାପତି ଶ୍ରୀ ବିଭୂତି ଭୂଷଣ କର ଏହି ସମାରୋହରେ ଅଧ୍ୟକ୍ଷତା କରିଥିଲେ।
​ପ୍ରମୁଖ ଅତିଥି ଓ ବକ୍ତା:
​ବିଶିଷ୍ଟ ଅତିଥି: ଶ୍ରୀ ହେମନ୍ତ ତିୱାରୀ (ଉପାଧ୍ୟକ୍ଷ, ନ୍ୟାସନାଲ ୟୁନିଅନ ଅଫ୍ ଜର୍ଣ୍ଣାଲିଷ୍ଟସ/ପେଷାଦାର ପତ୍ରକାର ମହାସଂଘ, ନୂଆଦିଲ୍ଲୀ)
​ମୁଖ୍ୟ ବକ୍ତା: ଶ୍ରୀ ସିଦ୍ଧାର୍ଥ କଲହଂସ (ସାଧାରଣ ସମ୍ପାଦକ, ପେଷାଦାର ପତ୍ରକାର ମହାସଂଘ)
​ସମ୍ମାନିତ ଅତିଥି: ଶ୍ରୀ ବେଣୁଧର ପଣ୍ଡା (ରାଜ୍ୟ ସମ୍ପାଦକ), ଶ୍ରୀ ରାଜନ ଚୌଧୁରୀ (ରାଜ୍ୟ କୋଷାଧ୍ୟକ୍ଷ) ଏବଂ ଶ୍ରୀ ଦେବରାଜ ଶାକିରୀ (ଭାରପ୍ରାପ୍ତ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ, ରାୟଗଡ଼ା)
​ଅତିଥିମାନେ ସାମ୍ପ୍ରତିକ ସମାଜର ବିକାଶ ଓ ଗଣତନ୍ତ୍ରର ସୁରକ୍ଷାରେ ଗଣମାଧ୍ୟମର ଗୁରୁତ୍ୱପୂର୍ଣ୍ଣ ଭୂମିକା ତଥା ସାମ୍ବାଦିକମାନଙ୍କ ଦାୟିତ୍ୱବୋଧ ଉପରେ ଆଲୋକପାତ କରିଥିଲେ।
​ଜିଲ୍ଲା ସଭାପତି ଶ୍ରୀ ସୁରେଶ ଚନ୍ଦ୍ର ଦାଶ ଏବଂ ଜିଲ୍ଲା ସମ୍ପାଦକ ଶ୍ରୀ ବିଜୟ କୁମାର ଦାଶଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ ଏହି ସମ୍ମିଳନୀରେ ଜିଲ୍ଲାର ବିଭିନ୍ନ ପ୍ରାନ୍ତରୁ ଆସିଥିବା କାର୍ଯ୍ୟରତ ସାମ୍ବାଦିକମାନେ ଯୋଗଦେଇ ସାମ୍ବାଦିକତାର ମୂଲ୍ୟବୋଧ ଏବଂ ବୃତ୍ତିଗତ ସୁରକ୍ଷା ସମ୍ପର୍କରେ ବିସ୍ତୃତ ଆଲୋଚନା କରିଥିଲେ। ସମସ୍ତ ସଦସ୍ୟଙ୍କ ସହଯୋଗରେ କାର୍ଯ୍ୟକ୍ରମଟି ସଫଳତାର ସହ ସମ୍ପନ୍ନ ହୋଇଛି।