କଲ୍ୟାଣସିଂହପୁରରୁ ବଡ଼ ଖବର: ନିଖୋଜ ୧୦ମ ଶ୍ରେଣୀ ଛାତ୍ରଙ୍କ ମୃତଦେହ ନଦୀରୁ ଉଦ୍ଧାର​

ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ଅଞ୍ଚଳରେ ଏକ ଅଭାବନୀୟ ଘଟଣା ଘଟିଯାଇଛି। ବୁଡ଼ାଗୁଡ଼ା ସରକାରୀ ଉଚ୍ଚ ବିଦ୍ୟାଳୟରୁ ନିଖୋଜ ଥିବା ଦଶମ ଶ୍ରେଣୀର ୧୫ ବର୍ଷୀୟ ଛାତ୍ର ଜଗନ୍ନାଥ ମାଝୀଙ୍କ ମୃତଦେହ ଶେଷରେ ନଦୀରୁ ଉଦ୍ଧାର ହୋଇଛି।​ସୂଚନା ଅନୁଯାୟୀ, ଜଗନ୍ନାଥ ଗତକାଲିଠାରୁ ହଠାତ୍ ନିଖୋଜ ହୋଇଯାଇଥିଲେ। ପରିବାର ଲୋକେ ବହୁ ଖୋଜାଖୋଜି କରିବା ପରେ ମଧ୍ୟ ତାଙ୍କର କୌଣସି ସନ୍ଧାନ ମିଳିନଥିଲା। ଆଜି ସନ୍ଧ୍ୟା ସମୟରେ ଶିକରପାଇ ପଞ୍ଚାୟତ ଅନ୍ତର୍ଗତ ବଡ଼ ମାଣିଝୋଲା ନଦୀରେ ଏକ ଶବ ଭାସୁଥିବା ଦେଖି ସ୍ଥାନୀୟ ଲୋକେ ପ୍ରଶାସନକୁ ଖବର ଦେଇଥିଲେ।​ଖବର ପାଇ ଅଗ୍ନିଶମ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ନଦୀରୁ ମୃତଦେହଟିକୁ ଉଦ୍ଧାର କରିଥିଲା। ଏହାପରେ ପୋଲିସ ମୃତଦେହକୁ ନିଜ ହେପାଜତକୁ ନେଇ ବ୍ୟବଚ୍ଛେଦ ପାଇଁ ପଠାଇଛି। ଏହି ଘଟଣାରେ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଛାତ୍ର ଜଣକ କିଭଳି ପରିସ୍ଥିତିରେ ନଦୀକୁ ଗଲେ ଏବଂ ତାଙ୍କର ମୃତ୍ୟୁ ଘଟିଲା, ସେ ନେଇ ତଦନ୍ତ ଜାରି ରଖିଛି। ଛାତ୍ରଙ୍କ ଅକାଳ ବିୟୋଗରେ ସ୍ଥାନୀୟ ଅଞ୍ଚଳ ତଥା ବିଦ୍ୟାଳୟରେ ଗଭୀର ଶୋକର ଛାୟା ଖେଳିଯାଇଛି।